കാര്യങ്ങൾ അതിവേഗം അറിയാൻ
For Daily Alerts
പട്ടണക്കാട് പുരുഷോത്തമന് അന്തരിച്ചു
തിരുവനന്തപുരം: പ്രശസ്ത പിന്നണി ഗായകന് പട്ടണക്കാട് പുരുഷോത്തമന് (58) അന്തരിച്ചു. ഫിബ്രവരി 22 ചൊവ്വാഴ്ച പുലര്ച്ചെ അഞ്ചരയോടെ മെഡിക്കല് കോളജ് ആശുപത്രിയില് വച്ചായിരുന്നു അന്ത്യം.
ശ്വാസതടസത്തെ തുടര്ന്ന് തിങ്കളാഴ്ച രാത്രിയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. ബുധനാഴ്ച രാവിലെ തൈക്കാട് വൈദ്യുതി ശ്മശാനത്തിലാണ് ശവസംസ്കാരം.
മാനിഷാദ എന്ന ചിത്രത്തിലൂടെ സിനിമാപിന്നണിഗാനരംഗത്തെത്തിയ പട്ടണക്കാട് പുരുഷോത്തമന് ഏതാനും ചിത്രങ്ങള്ക്കു വേണ്ടി ഗാനങ്ങളാലപിച്ചിട്ടുണ്ട്. കൂടുതലും നാടകഗാനരംഗത്താണ് അദ്ദേഹം ശ്രദ്ധ കേന്ദ്രീകരിച്ചിരുന്നത്. സിനിമകള്ക്കും നാടകങ്ങള്ക്കുമായി മൂവായിരത്തോളം പാട്ടുകള് പാടിയിട്ടുണ്ട്.
അഞ്ച് തവണ മികച്ച നാടക ഗായകനുള്ള അവാര്ഡ് നേടിയിട്ടുണ്ട്. ഭാര്യ രത്നമ്മ. മക്കള്: ജയേഷ്, ജതീഷ്, ഷൈനി, ഷീന.
Comments
Story first published: Tuesday, February 22, 2005, 5:30 [IST]