ദില്ലി റെയില്‍വേ സ്റേഷന്റെ നിലവാരം ഉയര്‍ത്തും

ദില്ലി: തലസ്ഥാനത്തെ റെയില്‍വേ സ്റേഷന്‍ ലോകോത്തര നിലവാരത്തിലേക്കുയര്‍ത്തുമെന്ന് റെയില്‍വെ മന്ത്രി ലാലു പ്രസാദ് യാദവ് പറഞ്ഞു.

വരുന്ന വര്‍ഷങ്ങളില്‍ റെയില്‍വെ ഭൂവികസന അതോറിറ്റിയുമായി സഹകരിച്ച് മറ്റുള്ള മെട്രോറെയില്‍വെ സ്റേഷനുകളും വികസിപ്പിക്കും. യാത്രക്കാര്‍ക്കായി റെയില്‍വെ സ്റേഷനുകളോടനുബന്ധിച്ച് ഷോപ്പിംഗ് കേന്ദ്രങ്ങളും തുടങ്ങും. ഇതിനായി സ്വകാര്യ-പൊതുസംരംഭങ്ങളുടെ സഹായം തേടുമെന്നും ലാലുപ്രസാദ് യാദവ് അറിയിച്ചു.