കേരളത്തില്‍ മദ്യഉപഭോഗം കൂടുന്നു

തിരുവനന്തപുരം: കേരളത്തില്‍ മദ്യഉപഭോഗം കൂടിവരുന്നതായി എക്സൈസ് മന്ത്രി വക്കം പുരുഷോത്തമന്‍ നിയമസഭയില്‍ അറിയിച്ചു.

കേരളത്തില്‍ ഒരു വ്യക്തിയുടെ വര്‍ഷത്തിലെ ശരാശരി മദ്യഉപഭോഗം 3.11 ലിറ്ററായി കൂടിയിട്ടുണ്ടെന്ന് മന്ത്രി പറഞ്ഞു. 2001-02 വര്‍ഷത്തില്‍ ഇത് 2.04 ലിറ്ററായിരുന്നു.

മദ്യനിരോധനം ഘട്ടം ഘട്ടമായി നടപ്പിലാക്കുന്നതിന്റെ ഭാഗമായി സര്‍ക്കാര്‍ സെമിനാറുകളും ബോധവത്കരണ പരിപാടികളും സംഘടിപ്പിക്കുമെന്ന് മന്ത്രി പറഞ്ഞു.