ശ്രീനഗര്‍-ജമ്മു ദേശീയപാത വീണ്ടും തുറന്നു

ശ്രീനഗര്‍: മണ്ണിടിച്ചിലിനെയും മഞ്ഞുവീഴ്ചയെയും തുടര്‍ന്ന് അടച്ചിട്ട ശ്രീനഗര്‍-ജമ്മു ദേശീയപാത മാര്‍ച്ച് ആറ് ഞായറാഴ്ച വീണ്ടും തുറന്നു.

ദേശീയപാതയില്‍ കുടുങ്ങിക്കിടന്ന വാഹനങ്ങള്‍ രാവിലെയോടെ നീങ്ങിത്തുടങ്ങി. വീണ്ടും മഞ്ഞുവീഴ്ചയുണ്ടായതിനെ തുടര്‍ന്ന് ശനിയാഴ്ചയാണ് ദേശീയപാത അടച്ചത്. കഴിഞ്ഞ ഒരു മാസത്തിനിടയില്‍ ഇത് നാലാമത്തെ തവണയാണ് ദേശീയപാത അടച്ച് വീണ്ടും തുറക്കുന്നത്.