വരണാധികാരി വന്നാലും റാലി മാറ്റില്ല: മുരളി

കൊച്ചി: സംഘടനാ തിരഞ്ഞെടുപ്പിനായി സംസ്ഥാനത്തിന് പുറത്തു നിന്ന്് വരണാധികാരി വന്നാലും മേഖലാറാലികള്‍ നടത്താനുള്ള തീരുമാനത്തില്‍ നിന്ന് പിന്നോക്കം പോവില്ലെന്ന് കെ. മുരളീധരന്‍.

തിരഞ്ഞെടുപ്പ് ചര്‍ച്ചകളില്‍ ഐ ഗ്രൂപ്പ് പങ്കെടുക്കും. അതേ സമയം റാലി ഒരു കാരണവശാലും മാറ്റിവയ്ക്കില്ല. കോണ്‍ഗ്രസിനെ ശക്തിപ്പെടുത്താനാണ് റാലിയെന്ന് കരുണാകരന്‍ വ്യക്തമാക്കിയിട്ടുണ്ട്. റാലിക്കുള്ള എല്ലാ തയ്യാറെടുപ്പുകളും പൂര്‍ത്തിയായി കഴിഞ്ഞു.

അച്ചടക്ക നടപടിയുണ്ടായാല്‍ എന്താണ് ചെയ്യേണ്ടതെന്ന് അപ്പോള്‍ തീരുമാനിക്കും. ഉമ്മന്‍ചാണ്ടിയോട് അതൃപ്തിയുളളവരുമായി കൂടിയാലോചനകള്‍ നടത്തിവരികയാണെന്നും മുരളി പറഞ്ഞു.