ഇന്ത്യയില്‍ മൂന്ന് ദിവസത്തെ ദു:ഖാചരണം

ദില്ലി: ഏപ്രില്‍ മൂന്ന് ഞായറാഴ്ച പുലര്‍ച്ചെ കാലം ചെയ്ത ജോണ്‍പോള്‍ രണ്ടാമന്‍ മാര്‍പാപ്പയോടുള്ള ആദരസൂചകമായി രാജ്യത്ത് മൂന്ന് ദിവസത്തെ ദു:ഖാചരണം കേന്ദ്രസര്‍ക്കാര്‍ പ്രഖ്യാപിച്ചു.

ദു:ഖാചരണവേളയില്‍ എല്ലാ സര്‍ക്കാര്‍ കെട്ടിടങ്ങളിലും ദേശീയപതാക താഴ്ത്തിക്കെട്ടും. മൂന്ന് ദിവസം ഔദ്യോഗിക പരിപാടികള്‍ ഉുണ്ടായിരിക്കില്ലെന്നും കേന്ദ്ര ആഭ്യന്തര മന്ത്രാലയം അറിയിച്ചു.

ഇക്കാര്യം എല്ലാ മന്ത്രാലയങ്ങളെയും വകുപ്പുകളെയും കേന്ദ്ര ആഭ്യന്തര സെക്രട്ടറി വി. കെ. ദുഗ്ഗാല്‍ അറിയിച്ചു.