ഇറാക്കിലെ ഈജിപ്ത് അംബാസിഡറെ തട്ടിക്കൊണ്ടുപോയി

ബാഗ്ദാദ്: ഇറാക്കിലെ പുതിയ ഈജിപ്ത് അംബാസിഡര്‍ ഇഹാബ് അല്‍ ഷെരീഫിനെ തട്ടിക്കൊണ്ടുപോയി. സദ്ദാം ഹുസൈനെ അധികാരഭ്രഷ്ടനാക്കിയതിനു ശേഷം ആദ്യമായി ഇറാക്കില്‍ നിയമിതനാവുന്ന ഈജിപ്ത് അംബാസിഡറാണ് ഇദ്ദേഹം.

ജൂണ്‍ ഒന്നിനാണ് ഇഹാബ്-അല്‍ ഷെരീഫ് അംബാസിഡറായി സ്ഥാനമേറ്റത്. തട്ടിക്കൊണ്ടുപോയവരെ പറ്റി വിവരങ്ങളൊന്നും ലഭിച്ചിട്ടില്ല.

ജൂലൈ മൂന്ന് ഞായറാഴ്ച രണ്ട് വ്യത്യസ്ത സംഭവങ്ങളിലായി മൂന്ന് പേര്‍ ഇറാക്കില്‍ കൊല്ലപ്പെട്ടു. ചാവേര്‍ ആക്രമണത്തില്‍ രണ്ടു പൊലീസുകാരും മറ്റൊരു വാഹനത്തില്‍ നിന്നുള്ള ആയുധധാരിയുടെ വെടിയേറ്റ് ഒരു ഡ്രൈവറുമാണ് മരിച്ചത്.