മുംബൈ തീപിടുത്തം: മരണസംഖ്യ 12 ആയി

ദില്ലി: മുംബൈയിലെ എണ്ണ പ്രകൃതിവാത കോര്‍പ്പറേഷന്റെ (ഒഎന്‍ജിസി) എണ്ണ പ്ലാറ്റ്ഫോമിലുണ്ടായ തീപിടുത്തത്തില്‍ മരിച്ചവരുടെ എണ്ണം 12 ആയി. 15 പേരെ ഇപ്പോഴും കാണാനില്ല.

തകര്‍ന്ന പ്ലാറ്റ്ഫോമിന്റെ അവശിഷ്ടങ്ങള്‍ക്കിടയില്‍ ആറു പേര്‍ കുടുങ്ങിക്കിടക്കുകയാണെന്നും നാവികസേന-തീരദേശസേനാ സംഘങ്ങള്‍ ഇവരെ രക്ഷിക്കാനുള്ള എല്ലാ ശ്രമങ്ങളും നടത്തിവരികയാണെന്നും ഒഎന്‍ജിസിയിലെ ഒരു ഉന്നതഉദ്യോഗസ്ഥന്‍ അറിയിച്ചു.

351 പേരെ ഇതുവരെ രക്ഷപ്പെടുത്തിയിട്ടുണ്ട്. ചിലര്‍ക്ക് പരിക്കേറ്റിട്ടുണ്ട്. തീപിടുത്തമുണ്ടാകുമ്പോള്‍ 384 പേരാണ് പ്ലാറ്റ്ഫോമിലുണ്ടായിരുന്നത്.