സിവില്‍ സപ്ലൈസ് കോര്‍പ്പറേഷനില്‍ ഇ-ടെണ്ടറിംഗ്

തിരുവനന്തപുരം: സംസ്ഥാന സിവില്‍ സപ്ലൈസ് കോര്‍പ്പറേഷന്‍ സാധനങ്ങള്‍ വാങ്ങുന്നതു സംബന്ധിച്ച ഇടപാടുകള്‍ കൂടുതല്‍ സുതാര്യമാക്കുന്നതിന് ഇ-ടെണ്ടറിഗ് സമ്പ്രദായം നടപ്പിലാക്കിയിട്ടുണ്ടെന്ന ഭക്ഷ്യ-സിവില്‍ സപ്ലൈസ് മന്ത്രി അടൂര്‍ പ്രകാശ് നിയമസഭയില്‍ അറിയിച്ചു.

സപ്ലൈകോ നിലവാരമില്ലാത്ത സാധനങ്ങള്‍ വാങ്ങിക്കൂട്ടിയതു സംബന്ധിച്ച അടിയന്തിര പ്രമേയത്തിനുള്ള നോട്ടീസിന് മറുപടി പറയുകയായിരുന്നു മന്ത്രി.

കമ്പോള വിലയേക്കാള്‍ കുറഞ്ഞ വിലക്ക് ഗുണനിലവാരമുള്ള സാധനങ്ങള്‍ കോര്‍പ്പറേഷന് വാങ്ങാന്‍ കഴിയുമെന്ന് മന്ത്രി പറഞ്ഞു.