സംസ്ഥാനത്ത് ചെമ്മീന്‍ കയറ്റുമതിയില്‍ വര്‍ദ്ധന

തിരുവനന്തപുരം: സംസ്ഥാനത്തു നിന്നുള്ള ചെമ്മീന്‍ കയറ്റുമതിയില്‍ വര്‍ദ്ധനയുണ്ടായതായി ഫിഷറീസ് വകുപ്പുമന്ത്രി ഡൊമനിക് പ്രസന്റേഷന്‍ നിയമസഭയി പറഞ്ഞു.

ഈ വര്‍ഷം സംസ്ഥാനത്തു നിന്നും 87,378 മെട്രിക് ടണ്‍ ചെമ്മീന്‍ കയറ്റിയയച്ചു. കഴിഞ്ഞ വര്‍ഷത്തേക്കാളും 10,747 ടണ്‍ കൂടുതലാണിത്. കഴിഞ്ഞ വര്‍ഷം ചെമ്മീന്‍ കയറ്റുമതിയില്‍ നിന്നും 1,099.15 കോടി ലഭിച്ചത് ഈ വര്‍ഷം 1,158.07 കോടിയായി.

സംസ്ഥാനത്ത് 28,456 പരമ്പരാഗത ബോട്ടുകളും 4,204 യന്ത്രബോട്ടുകളും മത്സ്യബന്ധനത്തില്‍ ഏര്‍പ്പെട്ടിട്ടുണ്ട്.

1985ലെ മണ്‍സൂണ്‍ കമ്മറ്റിയുടെ ശുപാര്‍ശപ്രകാരം പുതുതായി മത്സ്യബന്ധനബോട്ടുകള്‍ക്ക് രജിസ്ട്രേഷന്‍ അനുവദിച്ചിട്ടില്ലെന്നും മന്ത്രി പറഞ്ഞു.