മുംബൈയില്‍ പകര്‍ച്ചവ്യാധി മരണം 166 ആയി

മുംബൈ: മുംബൈയിലും അടുത്തുള്ള ജില്ലകളിലും പ്രളയത്തെ തുടര്‍ന്ന് ഉണ്ടായ പകര്‍ച്ചവ്യാധി പിടിപെട്ട് മരിച്ചവരുടെ എണ്ണം 166 ആയി. നാല് മലയാളികളടക്കം 107 പേരാണ് മുംബൈയില്‍ മാത്രം മരിച്ചത്.

സാജു നായര്‍, ഭാരതി, തോമസ്, ശൈലേഷ്കുമാര്‍ എന്നിവരാണ് മരിച്ച മലയാളികള്‍. ജ-ലത്തിലൂടെ പകരുന്ന രോഗങ്ങളായ ഡെങ്കിപ്പനി, എലിപ്പനി തുടങ്ങിയ രോഗങ്ങളാണ് മുംബൈയില്‍ സര്‍വസാധാരണമായിരിക്കുന്നത്.

മലേറിയ, പനി എന്നീ രോഗങ്ങള്‍ ഇപ്പോള്‍ നിയന്ത്രണാധീനമായിട്ടുണ്ടെന്ന് സംസ്ഥാന ആരോഗ്യവകുപ്പ് ഡയറക്ടര്‍ ജ-നറല്‍ അവകാശപ്പെട്ടു.

കല്യാണ്‍, ഡോംബിവാലി എന്നിവിടങ്ങളിലും അടുത്തുള്ള താനെ ജ-ില്ലയിലുമാണ് പകര്‍ച്ച വ്യാധികള്‍ മൂലം ഏറെപ്പേരും മരിച്ചത്. ശനിയാഴ്ച മാത്രം വിവിധ ആശുപത്രികളിലായി 1,049 പേരെയാണ് പ്രവേശിപ്പിച്ചത്.