മംഗല്‍ പാണ്ഡെ നിരോധിക്കണമെന്ന് രാജ്യസഭയില്‍ ആവശ്യമുയര്‍ന്നു

ദില്ലി: അമീര്‍ഖാന്‍ നായകനായി അഭിനയിച്ച മംഗല്‍ പാണ്ഡെ: ദിറൈസിംഗ് എന്ന ഹിന്ദി ചിത്രത്തിന്റെ പ്രദര്‍ശനം നിരോധിക്കണമെന്ന് രാജ്യസഭയില്‍ ആവശ്യമുയര്‍ന്നു.

സമാജ്വാദി പാര്‍ട്ടിയിലെ ഉദയ്പ്രതാപ്സിംഗാണ് ഈ ആവശ്യമുന്നയിച്ചത്. വിപ്ലവകാരിയായ മംഗല്‍ പാണ്ഡെയെ തെറ്റായ രീതിയിലാണ് ചിത്രത്തില്‍ ചിത്രീകരിച്ചിരിക്കുന്നതെന്ന് ഉദയ്പ്രതാപ്സിംഗ് ചൂണ്ടിക്കാട്ടി.

മംഗല്‍ പാണ്ഡെയ്ക്ക് ഒരു പെണ്‍കുട്ടിയി ബന്ധമുണ്ടായിരുന്നതായി ചിത്രീകരിച്ചതിനെയാണ് ഉദയ്പ്രതാപ്സിംഗ് പ്രധാനമായും എതിര്‍ത്തത്.