കേന്ദ്രത്തില്‍ നാല് പ്രധാനമന്ത്രിമാര്‍: വെങ്കയ്യ

തിരുവന്തപുരം: കേന്ദ്രം ഭരിക്കുന്നത് നാല് പ്രധാനമന്ത്രിമാര്‍ ചേര്‍ന്നാണെന്ന് ബിജെപി ദേശീയ നേതാവ് വെങ്കയ്യനായിഡു. ബിജെപിയുടെ സെക്രട്ടറിയേറ്റ് ഉപരോധത്തിനു ശേഷം പാര്‍ട്ടി പ്രവര്‍ത്തകരെ അഭിസംബോധന ചെയ്യുകയായിരുന്നു അദ്ദേഹം.

സോണിയാഗാന്ധിയാണ് സൂപ്പര്‍ പ്രധാനമന്ത്രി. സിപിഎം കമ്യൂണിസ്റ് പ്രധാനമന്ത്രിയാണ് . ഇവര്‍ക്കു പുറമേയുള്ള പ്രധാനമന്ത്രിയാണ് കേന്ദ്രറെയില്‍വേ മന്ത്രി ലാലു പ്രസാദ് യാദവ്. വ്യക്തമായൊരു നേതൃത്വമില്ലാത്തതാണ് രാഷ്ട്രവികസനത്തിന് തടസമാകുന്നത്.

പ്രധാനമന്ത്രി ഭരിക്കുക മാത്രമേ ചെയ്യുന്നുള്ളൂ. തീരുമാനങ്ങളെടുക്കുന്നത് സോണിയാഗാന്ധിയാണ്. സിപിഎം ജനറല്‍ സെക്രട്ടറി പ്രകാശ് കാരാട്ട് ഈ തീരുമാനങ്ങളെ എതിര്‍ക്കുകയും.

സാധാരണ ജനങ്ങളുടെ പേരു പറഞ്ഞാണ് യുപിഎ സര്‍ക്കാര്‍ അധികാരത്തിലേറിയത്. ജനങ്ങളെ ഉദ്ദേശിച്ച് യാതൊരു ക്ഷേമപ്രവര്‍ത്തനങ്ങളും നടക്കാത്തതു കൊണ്ട് അവരാണ് ഈ ഭരണത്തിന്‍ കീഴില്‍ ഏറ്റവും ബുദ്ധിമുട്ടുകളനുവദിക്കുന്നത്.

യുപിഎ സര്‍ക്കാര്‍ അധികാരത്തിലേറിയതു മുതല്‍ അവശ്യസാധനങ്ങളുടെ വില റോക്കറ്റ് പോലെയാണ് കുതിച്ചുയര്‍ന്നത്. രാജ്യത്തിന്റെ ചരിത്രത്തിലാദ്യമായാണ് പഞ്ചസാരക്ക് ഇത്രയും വിലവര്‍ദ്ധനവുണ്ടാകുന്നത്. കാര്‍ഷികോല്‍പാദനം വര്‍ദ്ധിച്ചിട്ടുണ്ടെങ്കിലും അതിന്റെ പ്രയോജനം സാധാരണക്കാരിലേക്കെത്തുന്നില്ലെന്നും വെങ്കയ്യനായിജു പറഞ്ഞു.