ജനകീയാസൂത്രണം: വിദേശഫണ്ടിനെപ്പറ്റി അന്വേഷണം വേണം

തിരുവനന്തപുരം: ജനകീയാസൂത്രണ പദ്ധതിക്ക് വിദേശ സഹായം സ്വീകരിച്ചതിനെപ്പറ്റി അന്വേഷണം നടത്തണമെന്ന് കെപിസിസി പ്രസിഡന്റ് രമേശ് ചെന്നിത്തല ആവശ്യപ്പെട്ടു.

ഇത് സംബന്ധിച്ച് കൂടുതല്‍ വിവരങ്ങള്‍ ഇപ്പോഴാണ് ലഭ്യമായത്. ജനകീയാസൂത്രണം തദ്ദേശ തിരഞ്ഞെടുപ്പില്‍ എല്‍ഡിഎഫ് മുദ്രാവാക്യമായിരിക്കുമെന്ന് തോമസ് ഐസക് വ്യക്തമാക്കിയ സാഹചര്യത്തിലാണ് ഈ പ്രശ്നം ഉന്നയിക്കുന്നത്.

പഞ്ചായത്ത് തിരഞ്ഞെടുപ്പില്‍ തങ്ങളുടെ നില വ്യക്തമല്ലാത്തതിനാല്‍ ബിജെപിയെ കൂട്ടുപിടിക്കാനാണ് എല്‍ഡിഎഫ് ശ്രമം. പി.സി.തോമസിനെ ഉപയോഗിച്ച് ബിജെപി വോട്ട് നേടുകയാണ് എല്‍ഡിഎഫിന്റെ ലക്ഷ്യം.

കരുണാകരന്റെ പാര്‍ട്ടിയുടെ പേരുസംബന്ധമായ പ്രശ്നത്തില്‍ സോണിയാഗാന്ധി ഇടപെട്ടിട്ടില്ല. യുഡിഎഫിന് ബിജിെപിയുമായി ബന്ധമുണ്ടാകില്ലെന്നും അദ്ദേഹം പറഞ്ഞു.