കാര്യങ്ങൾ അതിവേഗം അറിയാൻ
For Daily Alerts
തൃശൂരില് കടല് ഉള്വലിയുന്നത് തുടരുന്നു
തൃശൂര്: ജില്ലയിലെ ചില പ്രദേശങ്ങളില് കടല് വീണ്ടും ഉള്വലിഞ്ഞു. സപ്തംബര് 19 തിങ്കളാഴ്ച വൈകീട്ടോടെ തുടങ്ങിയ ഈ പ്രതിഭാസം ഇപ്പോഴും തുടരുകയാണ്.
പെരിങ്ങളം മേഖലയില് മുന്നൂറ് മീറ്ററോളം കടല് പിന്വാങ്ങി. തൃശൂരിലെ കയ്പമംഗലം വഞ്ചിപ്പുരയില് തിങ്കളാഴ്ച വൈകിട്ട് അഞ്ചു മണിയോടെയാണ് കടല് ഉള്വലിയല് തുടങ്ങിയത്. തിങ്കളാഴ്ച രാത്രിയോടെ കടല് പൂര്വ സ്ഥിതിയിലായെങ്കിലും ചൊവ്വാഴ്ച വീണ്ടും ഈ പ്രതിഭാസം കാണപ്പെട്ടു.
ഈ പ്രതിഭാസം ആദ്യം ജനങ്ങളില് പരിഭ്രാന്തിയുണ്ടാക്കിയെങ്കിലും ആശങ്കാജനകമായെന്നുമില്ലെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കി. ചൊവ്വാഴ്ച ഒട്ടേറെ പേര് കടല് ഉള്വലിയുന്നതു കാണാന് കടല്തീരത്തെത്തിയിരുന്നു.
വേലിയേറ്റ, വേലിയിറക്ക സമയത്തുണ്ടാകുന്ന അപൂര്വ പ്രതിഭാസമാണിതെന്നാണ് പഴമക്കാര് പറയുന്നത്. കടല് ശാന്തമായാണ് കാണപ്പെടുന്നത്.
Story first published: Tuesday, September 20, 2005, 5:30 [IST]