ഓട്ടോ-ടാക്സി തൊഴിലാളി പണിമുടക്ക് മാറ്റിവച്ചു

കോഴിക്കോട്: ഒക്ടോബര്‍ ഒന്ന് ശനിയാഴ്ച മുതല്‍ നടത്താനിരുന്ന ഓട്ടോ-ടാക്സി തൊഴിലാളി പണിമുടക്ക് മാറ്റിവച്ചു.

തൊഴിലാളി യൂണിയനുകളുടെ ഏകോപന സമിതി ചെയര്‍മാന്‍ എളമരം കരീമാണ് ഇക്കാര്യം അറിയിച്ചത്. പണിമുടക്ക് തീയതി പിന്നീട് തീരുമാനിക്കും.

ഓട്ടോ-ടാക്സി കൂലി പുതുക്കി നിശ്ചയിക്കുക, ചെറുകിട വാഹനങ്ങള്‍ക്കു പെട്രോളിനും ഡീസലിനും സബ്സിഡി അനുവദിക്കുക തുടങ്ങിയ ആവശ്യങ്ങളുന്നയിച്ചാണ് സമരം നടത്താന്‍ നിശ്ചയിച്ചിരുന്നത്.