മധ്യപ്രദേശില്‍ നക്സല്‍ സംഘടനയെ നിരോധിച്ചു

ഭോപാല്‍: മധ്യപ്രദേശ് സര്‍ക്കാര്‍ നക്സലൈറ്റ് സംഘടനയായ സിപിഐ-മാവോയിസ്റ്സ് ഉള്‍പ്പെടെ മൂന്നു സംഘടനകളെ നിരോധിച്ചു.

സിപിഐ-മാവോയിസ്റ്സിനു പുറമെ ക്രാന്തികരി കിസാന്‍ കമ്മിറ്റി, ക്രാന്തികരി ജന്‍ കമ്മിറ്റി എന്നീ സംഘടനകളാണ് നിരോധിക്കപ്പെട്ടത്. ഒരു വര്‍ഷത്തേക്കാണ് നിരോധനം.

ഈ സംഘടനകളുടെ പ്രവര്‍ത്തനങ്ങള്‍ സംസ്ഥാനത്തിന്റെ സുരക്ഷയെ ബാധിക്കുന്ന സാഹചര്യത്തിലാണ് നിരോധനം ഏര്‍പ്പെടുത്തിയതെന്ന് സര്‍ക്കാരിന്റെ ഉത്തരവില്‍ അറിയിച്ചു.