എന്ഡിഎ ഇനി കളങ്കിത മന്ത്രിമാരെ ബഹിഷ്കരിക്കില്ല
ദില്ലി: ബീഹാറിലെ തിരഞ്ഞെടുപ്പ് വിജയത്തോടെ റെയില്വെമന്ത്രി ലാലു പ്രസാദ് യാദവ് ഉള്പ്പെടെയുള്ള കളങ്കിത മന്ത്രിമാരെ ബഹിഷ്കരിക്കുന്നത് അവസാനിപ്പിക്കാന് എന്ഡിഎ തീരുമാനിച്ചു.
കളങ്കിതമന്ത്രിമാര്ക്കെതിരായ ജനവിധിയാണ് വോട്ടര്മാര് നടത്തിയതെന്നും ഈ സാഹചര്യത്തില് അവരെ ബഹിഷ്കരിക്കുന്നത് തുടരേണ്ടതില്ലെന്ന് തീരുമാനിച്ചുവെന്നും ബിജെപി പാര്ലമെന്ററി പാര്ട്ടി വക്താവ് വി.കെ.മല്ഹോത്ര പറഞ്ഞു. കഴിഞ്ഞയാഴ്ച നടന്ന എന്ഡിഎ നേതാക്കളുടെ യോഗത്തിലാണ് ഈ തീരുമാനമുണ്ടായത്.
കേന്ദ്രമന്ത്രിസഭയിലെ കളങ്കിത മന്ത്രിമാരുടെ സാന്നിധ്യത്തില് പ്രതിഷേധിച്ച് ഒരു പാര്ലമെന്റ് സമ്മേളനം ഏതാണ്ട് പൂര്ണമായി എന്ഡിഎ ബഹിഷ്കരിച്ചിരുന്നു. ലാലുവിനെ കൂടാതെ ആര്ജെഡി മന്ത്രിമാരായ മുഹമ്മദ് തസ്ലിമുദ്ദിന്, പി.സി.ഗുപ്ത, എം.എ.എ.ഫത്മി, ജയ്പ്രകാശ് നാരായണന്, ജെഎംഎം മന്ത്രി ഷിബു സോറന് എന്നിവരെയാണ് എന്ഡിഎ ബഹിഷ്കരിച്ചിരുന്നത്.