എമിറേറ്റ്സ് തിരുവനന്തപുരം-ദുബായ് സര്‍വീസ് തുടങ്ങുന്നു

തിരുവനന്തപുരം: ദുബായ് ആസ്ഥാനമായി പ്രവര്‍ത്തിക്കുന്ന എമിറേറ്റ്സ് എയര്‍വേയ്സ് 2006 ഫെബ്രുവരി ഒന്നുമുതല്‍ ദുബായ്-തിരുവനന്തപുരം സര്‍വീസ് തുടങ്ങുന്നു. കൊച്ചിയിലേക്കും ചെന്നൈയിലേക്കും കൂടുതല്‍ സര്‍വീസുകള്‍ തുടങ്ങാനും എമിറൈറ്റ്സ് എയര്‍ലൈന്‍ തീരുമാനിച്ചിട്ടുണ്ട്.

ആഴ്ചയില്‍ എട്ട് സര്‍വീസുകളാണ് തിരുവനന്തപുരത്തിനും ദുബായിയ്ക്കും ഇടയിലുണ്ടാവുക. പുതിയ എയര്‍ബസായ എ-330-200 വിമാനമാകും ഇതിന് പ്രധാനമായും ഉപയോഗിക്കുക. ബി-777-200 വിമാനവും തിരുവനന്തപുരത്തെ സര്‍വീസിനുണ്ടാകും. ആധുനിക സംവിധാനങ്ങളെല്ലാം ഇതിലുണ്ടാകുമെന്ന് കമ്പനി അധികൃതര്‍ അറിയിച്ചു.

ഫെബ്രുവരി ഒന്നു മുതല്‍ കൊച്ചിയിലേക്ക് ദിവസവും സര്‍വീസ് നടത്തും. നിലവില്‍ ആഴ്ചയില്‍ അഞ്ച് സര്‍വീസുകളാണ് കമ്പനിക്കുള്ളത്. കൊച്ചിയിലേക്കുള്ള സര്‍വീസുകളുടെ എണ്ണവും എട്ടാക്കി ഉയര്‍ത്തും.