തെന്നല കര്ണാടക ഗവര്ണറാവും
ബാംഗ്ലൂര്: കേരളത്തിലെ മുന് പിസിസി പ്രസിഡന്റ് തെന്നല ബാലകൃഷ്ണപിള്ളയെ കര്ണാടക ഗവര്ണറാക്കാന് കേന്ദ്രസര്ക്കാര് തീരുമാനിച്ചു. മുഖ്യമന്ത്രി ധരംസിംഗ് ദില്ലിയില് നിന്നും മടങ്ങിയെത്തിയാലുടന് ഈ തീരുമാനം പ്രഖ്യാപിക്കും.
തെന്നലയെ പുതിയ ഗവര്ണറാക്കാന് തീരുമാനിച്ച സാഹചര്യത്തില് ജനവരി 18ന് തുടങ്ങാനിരുന്ന നിയമസഭാ സമ്മേളനം മാറ്റിവക്കാന് സംസ്ഥാന സര്ക്കാര് തീരുമാനിച്ചിട്ടുണ്ട്.
ടി.എന്.ചതുര്വേദിക്ക് പകരമാണ് തെന്നല ബാലകൃഷ്ണപിള്ളയെ ഗവര്ണറാക്കുന്നത്. ചതുര്വേദിയുടെ കാലാവധി തീരാന് രണ്ടുവര്ഷം ബാക്കിയുള്ളപ്പോഴാണ് അദ്ദേഹത്തെ നീക്കുന്നത്.
കോണ്ഗ്രസ്-ജനതാദള് ബന്ധം വഷളായ സാഹചര്യത്തില് കര്ണാടകത്തില് ഇടക്കാല തിരഞ്ഞെടുപ്പ് ഉണ്ടായേക്കുമെന്നാണ് ഇപ്പോഴത്ത സൂചന. പുതിയ സംഭവവികാസങ്ങളെത്തുടര്ന്ന് ജനതാദള് എസ് നേതാവ് എച്ച്.ഡി ദേവഗൗഡ ജനവരി അഞ്ച് വ്യാഴാഴ്ച ദില്ലിയിലേക്ക് പുറപ്പെട്ടിട്ടുണ്ട്.
Click it and Unblock the Notifications
Sign in with Google