വാജ്പേയിക്ക് കാല്‍മുട്ടു വേദന, വിശ്രമിക്കാന്‍ ഉപദേശം

ദില്ലി: വലതുകാല്‍മുട്ടിലും പിന്‍ഭാഗത്തും വേദന അനുഭവപ്പെട്ടതിനെ തുടര്‍ന്ന് ഏതാനും ദിവസം വിശ്രമിക്കാന്‍ മുന്‍പ്രധാനമന്ത്രി വാജ്പേയിക്ക് ഡോക്ടര്‍മാരുടെ ഉപദേശം.

കുറച്ചു ദിവസം നടക്കുന്നത് ഒഴിവാക്കാന്‍ ഡോക്ടര്‍മാര്‍ നിര്‍ദേശിച്ചിട്ടുണ്ട്. ആയാസമുള്ള ശരീരചലനങ്ങള്‍ ഒഴിവാക്കാനും നിര്‍ദേശമുണ്ട്.

2001ല്‍ വാജ്പേയി കാല്‍മുട്ട് മാറ്റിവയ്ക്കല്‍ ശസ്ത്രക്രിയക്കു വിധേയനായിരുന്നു.