ഐഐഎസ്സി ആക്രമണം: ഭീകരന്‍ പിടിയില്‍

ബാംഗ്ലൂര്‍: ബാംഗ്ലൂരിലെ ഐഐഎസ്സി ആക്രമണവുമായി ബന്ധപ്പെട്ട് ലഷ്കര്‍ ഇ തോബിബ ഭീകരനെന്ന് സംശയിക്കുന്ന ഒരാള്‍ കൂടി പിടിയിലായത്.

ചാന്ത് പാഷ എന്നായാളാണ് ഞായറാഴ്ച പൊലീസിന്റെ കസ്റഡിയിലായത്. ബാംഗ്ലൂരിലെ ലഷ്കര്‍ ഇ തോയിബയുടെ പ്രവര്‍ത്തനങ്ങള്‍ക്ക് ഫണ്ട് സംഘടിപ്പിക്കുക എന്നതായിരുന്നു ഇയാളുടെ പ്രവര്‍ത്തനം.

ഐഐഎസ്സി ആക്രമണവുമായുള്ള ഇയാളുടെ ബന്ധമെന്താണെന്ന് കൃത്യമായി ഇനിയും കണ്ടെത്തിയിട്ടില്ല. അതേ സമയം പൊലീസ് തകര്‍ത്ത പല തീവ്രവാദ പരിപാടികളുമായും ഇയാള്‍ക്ക് ബന്ധമുണ്ടെന്ന് കണ്ടെത്തിയിട്ടുണ്ട്.

ഇതുവരെ ഐഐഎസ്സി ആക്രമണവുമായി ബന്ധപ്പെട്ട് ഏഴ് ലഷ്കര്‍ ഇ തോയിബ ഭീകരരെ പൊലീസ് അറസ്റ് ചെയ്തിട്ടുണ്ട്.