കുമാരസ്വാമി വെളളിയാഴ്ച സത്യപ്രതിജ്ഞ ചെയ്യും

ബാംഗ്ലൂര്‍: കര്‍ണാടകത്തില്‍ കുമാരസ്വാമിയുടെ നേതൃത്വത്തിലുളള മന്ത്രിസഭ ഫിബ്രവരി മൂന്ന് വെള്ളിയാഴ്ച സത്യപ്രതിജ്ഞ ചെയ്ത് അധികാരമേല്‍ക്കും.

കുമാരസ്വാമി കര്‍ണാടകത്തിലന്റെ 18-ാമത് മുഖ്യമന്ത്രിയായി സത്യപ്രതിജ്ഞ ചെയ്യും. ബിജെപി നേതാവ് യദിയൂരപ്പ അഞ്ചാമത് ഉപമുഖ്യമന്ത്രിയാകും. ഉച്ചക്ക് 12.30ന് വിധാന്‍സൗധക്ക് മുന്നിലാണ് സത്യപ്രതിജ്ഞാ ചടങ്ങ് നടക്കുക.

ഈ മാസം പത്തിനാണ് പുതിയ സര്‍ക്കാര്‍ സഭയില്‍ ഭൂരിപക്ഷം തെളിയിക്കുക. അതിന് ശേഷം മന്ത്രിസഭാ വികസനം നടക്കും.

തെക്കേയിന്ത്യയില്‍ ആദ്യമായാണ് ഒരു സംസ്ഥാനത്ത് ബിജെപി ഭരണത്തില്‍ പങ്കാളിയാവുന്നത്. ബിജെപി ദേശീയ പ്രസിഡന്റ് രാജ്നാഥ്സിംഗ്, വെങ്കയ്യനായിഡു എന്നിവര്‍ ചടങ്ങില്‍ പങ്കെടുക്കും.