ചെങ്ങന്നൂരില്‍ മണ്ണിടിഞ്ഞ് രണ്ടുപേര്‍ മരിച്ചു

ചെങ്ങന്നൂര്‍: ചെങ്ങന്നൂരിലെ പൊണ്ണൂക്കരയില്‍ മണ്ണിടിഞ്ഞ് വീണ് രണ്ടുപേര്‍ മരിച്ചു. എറണാകുളം കിഴക്കുംഭാഗം സ്വദേശി സിയാദ്, തൊടുപുഴ സ്വദേശി അജയ് എന്നിവരാണ് മരിച്ചത്.

റെയില്‍വേക്കു വേണ്ടി മണ്ണു നീക്കുന്നതിനിടയിലാണ് അപകടമുണ്ടായത്. മണ്ണെടുക്കാന്‍ കരാറെടുത്തിരുന്ന കണ്‍സ്ട്രക്ഷന്‍ കമ്പനിയിലെ ജോലിക്കാരാണ് ഇവര്‍ രണ്ടുപേരും.