കടമെടുക്കാതെ നിവൃത്തിയില്ല: വക്കം

തിരുവനന്തപുരം: വികസന പ്രവര്‍ത്തനങ്ങള്‍ക്ക് കടമെടുക്കാതെ നിവൃത്തിയില്ലെന്ന് ധനമന്ത്രി വക്കം പുരുഷോത്തമന്‍. ഗവര്‍ണ്ണറുടെ നയപ്രഖ്യാപനത്തിനുള്ള നന്ദി പ്രമേയ ചര്‍ച്ചയ്ക്കു മറുപടി പറയുകയായിരുന്നു അദ്ദേഹം.

സര്‍ക്കാരിനു ലഭിക്കുന്ന വരുമാനത്തിന്റെ 90ലേറെ ശതമാനവും ശമ്പളവും പെന്‍ഷനുമായി നല്‍കുന്നു. ആ സാഹചര്യത്തില്‍ വികസന പ്രവര്‍ത്തനങ്ങള്‍ക്ക് സര്‍ക്കാരിന് കടമെടുത്തേ പറ്റൂ. ഇടത് സര്‍ക്കാരിന്റെ കടങ്ങള്‍ വീട്ടിയതിനാലാണ് കമ്മി കൂടിയതെന്നും വക്കം പുരുഷോത്തമന്‍ പറഞ്ഞു.

മുഖ്യമന്ത്രി ഉമ്മന്‍ചാണ്ടിയുടെ അസാന്നിധ്യത്തിലാണ് മുഖ്യമന്ത്രിയുടെ ചുമതലയുള്ള വക്കം നന്ദിപ്രമേയത്തിന് മറുപടി പറഞ്ഞത്.