യുപിയില്‍ ലോറി മറിഞ്ഞ് ആറുപേര്‍ മരിച്ചു

ലക്നൗ: ഉത്തര്‍പ്രദേശിലെ ബറായ്ച്ചില്‍ ലോറി മറിഞ്ഞ് ആറുപേര്‍ മരിച്ചു. 12 പേര്‍ക്ക് പരിക്കേറ്റു.

ബറായ്ച്-ലക്നൗ ദേശീയപാതയിലാണ് അപകടമുണ്ടായത്. മണല്‍ കയറ്റിക്കൊണ്ടുപോകുകയായിരുന്ന ലോറിയാണ് മറിഞ്ഞത്. മരിച്ചവര്‍ ആറുപേരും തൊഴിലാളികളാണ്.

അപകടത്തില്‍ മരിച്ചവരുടെ കുടുംബത്തിന് ജില്ലാ മജിസ്ട്രേറ്റ് 10,000 രൂപ നഷ്ടപരിഹാരം പ്രഖ്യാപിച്ചിട്ടുണ്ട്.