ദളിത് ക്രൈസ്തവര്‍ക്ക് പ്രത്യേക സംവരണമില്ല

തിരുവനന്തപുരം: ദളിത് ക്രൈസ്തവര്‍ക്ക് സര്‍ക്കാര്‍ സര്‍വീസിലും വിദ്യാഭ്യാസ സ്ഥാപനങ്ങളിലും പ്രത്യേക സംവരണം ഏര്‍പ്പെടുത്തുന്ന കാര്യം സര്‍ക്കാരിന്റ പരിഗണനയിലില്ലെന്ന് മുഖ്യമന്ത്രിയുടെ ചുമതല വഹിക്കുന്ന ധനമന്ത്രി വക്കം പുരുഷോത്തമന്‍ നിയമസഭയില്‍ അറിയിച്ചു.

കോണ്‍ഗ്രസിലെ പി.ജെ.ജോയിയുടെ ശ്രദ്ധ ക്ഷണിക്കലിനായിരുന്നു ഈ മറുപടി.നിലവില്‍ ദളിത് ക്രൈസ്തവര്‍ക്ക് ലാസ്റ്റ് ഗ്രേഡ് നിയമനങ്ങളില്‍ രണ്ട് ശതമാനവും മറ്റ് ജോലികള്‍ക്ക് ഒരു ശതമാനവും സംവരണമുണ്ട്. മറ്റ് സംവരണ സമുദായങ്ങള്‍ക്ക് തുല്യമായി വിദ്യാഭ്യാസ ആനുകൂല്യങ്ങളും ഇവര്‍ക്ക് ലഭിക്കുന്നുണ്ടെന്ന് മന്ത്രി പറഞ്ഞു.