രാജേഷ് വധം: രണ്ടു പേര്‍ക്ക് ജീവപര്യന്തം തടവ്

തിരുവനന്തപുരം: കെഎസ്ആര്‍ടിസി കണ്ടക്ടറായിരുന്ന രാജേഷിനെ കൊലപ്പെടുത്തിയ കേസിലെ രണ്ട് പ്രതികള്‍ക്ക് അതിവേഗ കോടതി ജീവപര്യന്തം തടവുശിക്ഷ വിധിച്ചു. കേസിലെ മറ്റ് 23 പേര്‍ക്ക് തടവും പിഴയും ശിക്ഷ വിധിച്ചിട്ടുണ്ട്.

കേസിലെ 17-ാം പ്രതിയായ വിനോദിനും 19-ാം പ്രതിയായ ബിജുവിനുമാണ് ജീവപര്യന്തം തടവ് ലഭിച്ചത്. തിരുവനന്തപുരം അതിവേഗ കോടതി ജഡ്ജി വൈ.താജുദ്ദീന്‍കോയയാണ് ശിക്ഷ വിധിച്ചത്.

33 പ്രതികളുണ്ടായിരുന്ന കേസില്‍ എട്ടുപേരെ കോടതി വെറുതെ വിട്ടിരുന്നു. 2000 ജൂലൈയില്‍ ആര്‍എസ്എസ് മാര്‍ച്ചിനോട് അനുബന്ധിച്ച് നടന്ന അക്രമസംഭവങ്ങള്‍ക്കിടെയാണ് രാജേഷ് കൊല്ലപ്പെട്ടത്.