പക്ഷിപ്പനി: മനുഷ്യര്‍ മരിച്ചിട്ടില്ലെന്ന് കേന്ദ്രമന്ത്രി

ദില്ലി: ഇന്ത്യയില്‍ പക്ഷിപ്പനി മൂലം ആളുകള്‍ മരിച്ചിട്ടില്ലെന്ന് കേന്ദ്ര ആരോഗ്യമന്ത്രി അന്‍പുമണി രാമദാസ് അറിയിച്ചു.

സൂറത്തില്‍ ഒരു കര്‍ഷകന്‍ മരിച്ചത് പക്ഷിപ്പനി മൂലമല്ലെന്ന് പരിശോധനകളില്‍ നിന്ന് വ്യക്തമായിട്ടിട്ടുണ്ട്. പക്ഷിപ്പനി കണ്ടെത്തിയ നവ്പൂരിലെ 16 ഫാമുകളിലെ അഞ്ച് ലക്ഷത്തോളം കോഴികളെ കൊന്നൊടുക്കും. ഈ പ്രദേശങ്ങളില്‍ മരുന്നുകള്‍ വിതരണം ചെയ്യും.

നവ്പൂരില്‍ പനിയുടെ ലക്ഷണങ്ങളുള്ള രണ്ടു പേര്‍ നിരീക്ഷണത്തിലാണ്. ഇതുവരെ രോഗമുണ്ടെന്ന് സംശയിക്കുന്ന 51 പേരെ പരിശോധനക്ക് വിധേയമാക്കിയിട്ടുണ്ട്.