രാമചന്ദ്രനെതിരായ കേസിന് താല്‍ക്കാലിക സ്റേ

കൊച്ചി: മുന്‍ ആരോഗ്യമന്ത്രി കെ.കെ.രാമചന്ദ്രനെതിരായി ലോകായുക്തയില്‍ നടന്നുവരുന്ന കേസ് ഹൈക്കോടതി താല്‍ക്കാലികമായി സ്റേ ചെയ്തു.

രാമചന്ദ്രന്‍ നല്‍കിയ ഹര്‍ജിയിലാണ് കേസിന് സ്റേ ഏര്‍പ്പെടുത്തിക്കൊണ്ട് കോടതി ഉത്തരവായത്.

ആരോഗ്യമന്ത്രിയായിരിക്കെ വകുപ്പ് ഉദ്യോഗസ്ഥരുടെ സ്ഥലംമാറ്റങ്ങളില്‍ രാമചന്ദ്രന്‍ ഇടപെടുന്നതായും മന്ത്രിയുടെ ഓഫീസ് അഴിമതി നടത്തുന്നതായും ലോകായുക്ത ആരോപണമുന്നയിച്ചിരുന്നു. ഈ ആരോപണങ്ങളെത്തുടര്‍ന്നാണ് രാമചന്ദ്രന്‍ മന്ത്രിസ്ഥാനം രാജിവച്ചത്.