പട്ടാമ്പിയില്‍ നേരിയ ഭൂചലനം

പാലക്കാട്: പട്ടാമ്പിക്കടുത്തുള്ള പ്രദേശങ്ങളില്‍ ബുധനാഴ്ച രാത്രി നേരിയ ഭൂചലനമുണ്ടായി. ആളപായമോ നാശനഷ്ടമോ ഉണ്ടായതായി റിപ്പോര്‍ട്ടില്ല.

വിലയൂര്‍, പരുത്തൂര്‍, പെര്‍മുടിയൂര്‍, കുല്ലുകലൂര്‍ എന്നിവിടങ്ങളിലാണ് നേരിയ ഭൂചലനമുണ്ടായത്. ഭൂമിക്കടിയില്‍ നിന്നും മുഴക്കം കേട്ട് പരിഭ്രാന്തരായ ആളുകള്‍ വീടുകളില്‍ നിന്നും ഇറങ്ങിയോടി. ബുധനാഴ്ച രാത്രി 11.10ഓടെയാണ് ഭൂചലനമുണ്ടായത്.