ഡിഐസി: അന്തിമതീരുമാനം ഹൈക്കമാന്റിന്റേതെന്ന് രവി

കണ്ണൂര്‍: ഡിഐസിയുമായി ധാരണയുണ്ടാക്കുന്ന കാര്യത്തില്‍ അന്തിമ തീരുമാനം ഹൈക്കമാന്റിന്റേതാണെന്ന് കേന്ദ്രമന്ത്രി വയലാര്‍ രവി.

ഡിഐസി ബന്ധത്തെ പറ്റി കോണ്‍ഗ്രസ് നേതാക്കള്‍ക്ക് വ്യത്യസ്ത അഭിപ്രായങ്ങളുണ്ടായിരുന്നു. ഇനി എല്ലാം തീരുമാനിക്കേണ്ടത് ഹൈക്കമാന്റാണ്- രവി വ്യക്തമാക്കി. മാര്‍ച്ച് 12 ഞായറാഴ്ച കണ്ണൂരില്‍ വാര്‍ത്താലേഖകരുമായി സംസാരിക്കുകയായിരുന്നു അദ്ദേഹം.

ഡിഐസിയുമായി കൂട്ടുകെട്ടുണ്ടാക്കുന്നത് ഗുണകരമാവുമെന്ന ഘടക കക്ഷികളുടെ തോന്നലിന്റെ അടിസ്ഥാനത്തില്‍ ചര്‍ച്ചകള്‍ നടത്തിയിട്ടുണ്ടാവാം. ഏതായാലും ഇപ്പോള്‍ ചര്‍ച്ചകള്‍ ഒന്നും ഇക്കാര്യതതില്‍ നടക്കുന്നില്ല- രവി പറഞ്ഞു.