തമിഴ്നാട്ടില്‍ ഈ വര്‍ഷം പ്രവേശനപരീക്ഷ നടത്തും

ചെന്നൈ: 2006 വിദ്യാഭ്യാസ വര്‍ഷത്തില്‍ തമിഴ്നാട്ടില്‍ പ്രൊഫഷണല്‍ കോഴ്സുകളിലെ പ്രവേശനത്തിന് പൊതുപ്രവേശന പരീക്ഷ നടത്തുമെന്ന് സംസ്ഥാന സര്‍ക്കാര്‍ അറിയിച്ചു. ഇതോടെ തമിഴ്നാട്ടിലെ പ്രൊഫഷണല്‍ കോഴ്സുകളിലേക്കുള്ള ഈ വര്‍ഷത്തെ പ്രവേശനം സംബന്ധിച്ച അനിശ്ചിതത്വത്തിന് വിരാമമായി.

പ്രൊഫഷണല്‍ കോഴ്സുകളിലേക്കുള്ള പ്രവേശനപരീക്ഷ നിര്‍ത്തലാക്കിയ തമിഴ്നാട് സര്‍ക്കാരിന്റെ നടപടി സ്റേറ്റ് ബോര്‍ഡ് വിദ്യാര്‍ത്ഥികള്‍ക്കു മാത്രമേ ബാധകമാവുകയുള്ളൂവെന്ന ഹൈക്കോടതി വിധിക്കെതിരെ സുപ്രിം കോടതിയില്‍ പൊതുതാത്പര്യ ഹര്‍ജി ഫയല്‍ ചെയ്തിരുന്നു. സുപ്രിം കോടതിയില്‍ കേസ് നിലനില്‍ക്കുന്ന സാഹചര്യത്തിലാണ് ഈ വര്‍ഷം പൊതു പ്രവേശന പരീക്ഷ നടത്താനുള്ള സംസ്ഥാന സര്‍ക്കാരിന്റെ തീരുമാനം.

മെയ് 13,14 തീയതികളിലാണ് പ്രവേശന പരീക്ഷ നടത്തുന്നത്. മുന്‍ വര്‍ഷങ്ങളില്‍ നടത്തിയതു പോലെ എല്ലാ വിദ്യാര്‍ത്ഥികള്‍ക്കും പ്രവേശന പരീക്ഷ ബാധകമാണ്.