രണ്ട് ബൂത്തുകളില് റീപോളിംഗ് തുടങ്ങി
തിരുവനന്തപുരം: നാദാപുരം, പെരിന്തല്മണ്ണ നിയോജക മണ്ഡലങ്ങളിലെ രണ്ട് ബൂത്തുകളില് മെയ് രണ്ട് ചൊവ്വാഴ്ച റീപോളിംഗ് ആരംഭിച്ചു. രണ്ട് ബൂത്തുകളിലും വോട്ടര്മാരുടെ നീണ്ട നിരയാണ് രാവിലെ മുതല് കാണപ്പെട്ടത്. രാവിലെ 9.30 വരെ ഈ ബൂത്തുകളില് 12 ശതമാനം പോളിംഗ് രേഖപ്പെടുത്തിയിട്ടുണ്ട്.
നാദാപുരത്ത് കക്കംവെള്ളി എല്പി സ്കൂളിലെ 144-ാം നമ്പര് ബൂത്തിലും പെരിന്തല്മണ്ണയിലെ കീഴാറ്റൂര് പൂന്താനം സ്മാരക എല്പി സ്കൂളിലുള്ള 109-ാം നമ്പര് ബൂത്തിലുമാണ് റീപോളിംഗ് നടക്കുന്നത്.
നാദാപുരത്ത് വോട്ടിംഗ് യന്ത്രത്തിലെ ബാലറ്റ് യൂണിറ്റില് യുഡിഎഫ് സ്ഥാനാര്ഥിയുടെ ചിഹ്നത്തിനു മുകളില് സ്റിക്കര് പതിച്ചത് മൂലമുണ്ടായ തര്ക്കം മൂലം വോട്ടെടുപ്പ് നിര്ത്തിവയ്ക്കേണ്ടി വന്നിരുന്നു. പെരിന്തല്മണ്ണയിലെ ബൂത്തില് വോട്ടിംഗ്യന്ത്രം തകരാറിലായതു മൂലമാണ് വോട്ടെടുപ്പ് വീണ്ടും നടത്തേണ്ടിവന്നത്.