വിമാന അറ്റകുറ്റപ്പണി കേന്ദ്രം സ്ഥാപിക്കും

തിരുവനന്തപുരം: എയര്‍ ഇന്ത്യയുടെ വിമാന അറ്റകുറ്റപ്പണി കേന്ദ്രം സംസ്ഥാനത്ത് സ്ഥാപിക്കുന്നതിനായി 15 ഏക്കര്‍ ഭൂമിയടക്കം എല്ലാവിധ സൗകര്യങ്ങളും ലഭ്യമാക്കുമെന്ന് മുഖ്യമന്ത്രി വി . എസ് അച്യുതാനന്ദന്‍ അറിയിച്ചു.

ഇക്കാര്യം താന്‍ എയര്‍ ഇന്ത്യ മാനേജിംഗ് ഡയറക്ടര്‍ വി. തുളസീ ദാസിനെയും സര്‍ക്കാറിനെയും അറിയിച്ചുകഴിഞ്ഞു. നിരവധി സംസ്ഥാനങ്ങള്‍ ഇങ്ങനെയൊരു കേന്ദ്രം സ്ഥാപിക്കുന്നതിനായി കഠിനമായി പരിശ്രമിക്കുകയാണ്. കേരളത്തിന്റെ അവസരം ഒരു തരത്തിലും നഷ്ടപ്പെടരുത്- മുഖ്യമന്ത്രി പറഞ്ഞു.

തുളസീദാസുമായി ചര്‍ച്ചനടത്തിയശേഷം വാര്‍ത്താലേഖകരോട് സംസാരിക്കുകയായിരുന്നു അദ്ദേഹം. കഴിഞ്ഞ യുഡി എഫ് സര്‍ക്കാറിന്റെ കാലത്തുതന്നെ 15ഏക്കര്‍ ഭൂമി എയര്‍ ഇന്ത്യക്കു കൈമാറാനുള്ള നടപടികള്‍ പൂര്‍ത്തിയായിക്കഴിഞ്ഞിട്ടുണ്ട്.

ഇത്തരമൊരുകേന്ദ്രം സ്ഥാപിക്കുന്നതിനായി 500നും 800കോടിക്കുമിടയില്‍ നിക്ഷേപം ആവശ്യമായിവരുമെന്നാണ് കണക്കാക്കപ്പെടുന്നതെന്ന് തുളസീദാസ് അറിയിച്ചു.