മയക്കുമരുന്നു കേസ്: അന്വേഷണം തുടരുന്നു
ദില്ലി: രാഹുല് മഹാജന്റെ പൊലീസ് കസ്റഡി വ്യാഴാഴ്ച അവസാനിക്കും. ഇതിനിടയില് തന്റെ അഭിഭാഷകരെ കാണാന് രാഹുലിന് അനുമതി ലഭിച്ചിട്ടുണ്ട്.
പ്രമുഖ ബിജെപി നേതാക്കളായ വെങ്കയ്യ നായിഡു, കല്രാജ് മിശ്ര, മുക്താന് അബ്ബാസ് നഖ്വി എന്നിവര് തുഗ്ലക് റോഡ് പൊലീസ് സ്റേഷനിലെത്തി രാഹുലിനെ കണ്ടു.
സംഭവത്തിന്റെ വിശദാംശങ്ങള് ലഭിക്കുന്നതിനായി പൊലീസ് അന്വേഷണം തുടരുകയാണ്. ഇതിനിടയില് രാഹുലും സഹീല് സാരുവും നല്കിയ പ്രസ്ഥാവനകളിന്മേല് ദില്ലിപൊലീസ് മുംബൈയില് അന്വേഷണം നടത്തിയിട്ടുണ്ട്.
മരിച്ച വിവേക് മോയ്ത്രയുടെ കരളില്നിന്നും വൃക്കകളില്നിന്നും കൊക്കെയ്നിന്റെയും ഹെറോയിനിന്റെയും അംശം കണ്ടെത്തിയതായി ഡോക്ടര്മാര് പൊസ്റ്മോര്ട്ടം റിപ്പോര്ട്ടില് വ്യക്തമാക്കിയിട്ടുണ്ട്.
മാത്രമല്ല രാഹുലിന്റെയും സഹീലിന്റെയും രക്തമാതൃകകളില് നടത്തിയ പരിശോധനയിലും മയക്കുമരുന്നുകളുടെ അംശം കണ്ടെത്താന് കഴിഞ്ഞിട്ടുണ്ട്. ഇതുസംബന്ധിച്ച് വിവരം സ്ഥിരീകരിച്ചതിനെത്തുടര്ന്ന് ആദ്യം പരിശോധന നടത്തിയ അപ്പോളോ ആശുപത്രി എംഡി അനുപം സിബല് രാജിവെച്ചിട്ടുണ്ട്.
ബുധനാഴ്ച അറസ്റിലായ ഹരീഷ് ശര്മ, ഗണേശ് എന്നിവരെ ജാമ്യത്തില് വിട്ടിട്ടുണ്ട്.