കണ്ണൂരില്‍ അസം സ്വദേശി കൊല്ലപ്പെട്ടു

കണ്ണൂര്‍: അസം സ്വദേശിയായ യുവാവിനെ കണ്ണൂരില്‍ കൊല്ലപ്പെട്ടനിലയില്‍ കണ്ടെത്തി. വളപട്ടണത്തുള്ള പ്ലൈവുഡ് ഫാക്ടറി തൊഴിലാളിയായ വിജയ് നായ്ക് (21)ആണ് കൊല്ലപ്പെട്ടതെന്ന് പൊലീസ് അറിയിച്ചു.

ഉച്ചഭക്ഷണത്തിനായി എത്തിയ സഹപ്രവര്‍ത്തകരാണ് താമസിക്കുന്ന വാടകവീട്ടില്‍ പരിക്കുകളേറ്റ് രക്തത്തില്‍മുങ്ങിയ നിലയില്‍ ഇയാളുടെ മൃതദേഹം കണ്ടെത്തിയത്.

വിജയ് നായ്ക് മൂന്നുവര്‍ഷമായി ഈ ഫാക്ടറിയിലാണ് ജോലിചെയ്യുന്നത്. ബീഹാര്‍, ഉത്തര്‍ പ്രദേശ്, അസം എന്നിവിടങ്ങില്‍ നിന്നുള്ള പതിനഞ്ചോളം സഹപ്രവര്‍ത്തകരോടൊപ്പമാണ് പാലാട്ടുപാലത്തെ വാടകവീട്ടില്‍ ഇയാള്‍ താമസിച്ചിരുന്നത്.

സംഭവത്തില്‍ പൊലീസ് കേസെടുത്ത് അന്വേഷണമാരംഭിച്ചിട്ടുണ്ട്.