ആന്റണി എതിര്‍ത്തിട്ടില്ലെന്ന് ഉമ്മന്‍ചാണ്ടി

തിരുവനന്തപുരം: തന്നെ കോണ്‍ഗ്രസ് പ്രവര്‍ത്തക സമിതിയില്‍ ഉള്‍പ്പെടുത്തുന്നതിനെ എ.കെ.ആന്റണി എതിര്‍ത്തുവെന്ന റിപ്പോര്‍ട്ടുകള്‍ ശരിയല്ലെന്ന് പ്രതിപക്ഷനേതാവ് ഉമ്മന്‍ചാണ്ടി.

എന്നെ പ്രവര്‍ത്തക സമിതിയിലേക്ക് പരിഗണിച്ചിട്ടില്ല; പരിഗണിക്കുകയുമില്ല. സംസ്ഥാന രാഷ്ട്രീയത്തില്‍ തുടരാനാണ് ഞാന്‍ ആഗ്രഹിക്കുന്നത്. ദേശീയ രാഷ്ട്രീയത്തിലേക്ക് പോകാന്‍ എനിക്ക് താത്പര്യമില്ല. കേന്ദ്രത്തില്‍ ഒരു സ്ഥാനം ഞാന്‍ ആഗ്രഹിച്ചിട്ടില്ല- ഉമ്മന്‍ചാണ്ടി വ്യക്തമാക്കി.