മുംബൈ സ്ഫോടനം: സോഫ്റ്റ്വേര്‍ എന്‍ജിനീയര്‍ പിടിയില്‍

മുംബൈ: മുംബൈ സ്ഫോടന പരമ്പരയുമായി ബന്ധപ്പെട്ട് ഒരു സോഫ്റ്റ്വേര്‍ എന്‍ജിനീയറെ കേന്ദ്ര സുരക്ഷാ ഏജന്‍സി അറസ്റുചെയ്തു.

ദക്ഷിണേന്ത്യയിലെ ഒരു നഗരത്തില്‍ നിന്നാണ് അന്വേഷണോദ്യോഗസ്ഥര്‍ ഇയാളെ പിടികൂടിയത്.

സ്ഫോടനപരമ്പരകള്‍ ആസൂത്രണം ചെയ്തവര്‍ക്ക് പദ്ധതിയുമായി ബന്ധപ്പെട്ട് പരസ്പരം രഹസ്യമായി ഇ-മെയിലുകളയയ്ക്കാന്‍ സഹായം ചെയ്തത് ഇയാളാണെന്ന് ഉദ്യോഗസ്ഥര്‍ വ്യക്തമാക്കി.

പിടിയിലായ ആളെക്കുറിച്ച് കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല.