ബെച്ചുവിന്റെ വെളിപ്പെടുത്തല് തന്ത്രമെന്ന് പോലീസ്
കൊച്ചി: തന്ത്രിക്കേസില് പോലീസ് തിരയുന്ന ബെച്ചു റഹ്മാന്റെ ഫോണിലൂടെയുള്ള വെളിപ്പെടുത്തലുകള് ആസൂത്രിതമായ തന്ത്രത്തിന്റെ ഭാഗമാണെന്ന് പോലീസ്.
ഉത്തരദേശം എന്ന പേരില് കാസര്കോട്ടുനിന്ന് ഇറങ്ങുന്ന പ്രാദേശിക പത്രത്തിന്റെ ലേഖകന് ഫോണ് ചെയ്തയാള് ബെച്ചുതന്നെയാണോയെന്ന് പോലീസ് സ്ഥിരീകരിച്ചിട്ടില്ല. ഇതുസംബന്ധിച്ച അന്വേഷണം നടക്കുന്നുണ്ട്.
വിവാദത്തിലെ പ്രതികളെ എല്ലാം കണ്ടൈത്താന് സംമയം എടുത്തേയ്ക്കും. തന്ത്രിവിവാദത്തില് പ്രധാന പ്രതികളിലൊരാളായ ബെച്ചു റഹ്മാനും കൂട്ടരും ഒളിവില് കഴിയുന്നത് അന്വേഷണ പുരോഗതിയെ സാരമായി ബാധിച്ചിട്ടുണ്ട്.
ദൂരെയുള്ള സ്ഥലങ്ങളില്നിന്ന് ഫോണ്ചെയ്ത്, അന്വേഷണോദ്യോഗസ്ഥരുടെ ശ്രദ്ധ അവിടേക്ക് തിരിച്ചശേഷം കോടതിയില്നിന്ന് മുന്കൂര് ജാമ്യം നേടാനുള്ള ശ്രമമാണിതെന്ന് കരുതുന്നു. ഇതോടെ കോടതിപരിസരങ്ങളില് പോലീസ് നിരീക്ഷണം ശക്തമാക്കിയിരിക്കുകയാണ്. വിവാദത്തില് തന്റെ പങ്ക് വളരെ ചെറുതാണെന്ന് വരുത്തിത്തീര്ക്കാനാണ് ബെച്ചു ഫോണ്വിളിതന്ത്രം ആസൂത്രണം ചെയ്തതെന്ന് പോലീസ് സംശയിക്കുന്നു. മൊബൈല് ടവര് കേന്ദ്രീകരിച്ച് നടത്തിയ അന്വേഷണത്തില് ഫോണ് ചെയ്തത് എവിടെനിന്നെന്ന് കണ്ടെത്തിയെങ്കിലും ബെച്ചുവിനെ കണ്ടെത്താനായില്ല.
ഫോണിലൂടെയുള്ള വെളിപ്പെടുത്തലുകളെ പൂര്ണമായും തള്ളിക്കളയാനും അന്വേഷണ ഉദ്യോഗസ്ഥര് തയ്യാറല്ല. ഉത്തരേന്ത്യന് സ്വദേശികളായ നാലുപേരെ ഏര്പ്പാട്ചെയ്തുവെന്ന് ഫോണ്വിളിച്ചയാള് പറയുന്നുണ്ട്.
തന്ത്രി പോലീസിന് നല്കിയ രണ്ടാമത്തെ പരാതിയിലും, ഹിന്ദി സംസാരിച്ചിരുന്ന ചിലര് ഫ്ലാറ്റില് എത്തിയിരുന്നെന്ന് കാണിച്ചിട്ടുണ്ട്. ഇത് കണക്കിലെടുത്ത് ക്രിമിനല് പശ്ചാത്തലമുള്ള ഉത്തരേന്ത്യന് സ്വദേശികളെക്കുറിച്ച് അന്വേഷണം നടത്തുന്നുണ്ട്.
മട്ടാഞ്ചേരി, തോപ്പുംപടി, ഫോര്ട്ട്കൊച്ചി ഭാഗങ്ങളിലുള്ള ചിലരെ പോലീസ് ഇതിനകം ചോദ്യംചെയ്തു. അക്രമികളില് ചിലര് മുംബൈയിലേക്ക് കടന്നുവെന്ന് സൂചനകിട്ടിയതോടെ മുംബൈ പോലീസിന്റെ സഹായത്തോടെ അക്രമികളെ കണ്ടെത്താനുള്ള ശ്രമങ്ങളും നടക്കുന്നുണ്ട്.