ഇടതുമുന്നണി യോഗം തുടങ്ങി

തിരുവനന്തപുരം: ഇടതുമുന്നണിയുടെ നേതൃയോഗം ശനിയാഴ്ച തിരുവനന്തപുരത്ത് തുടങ്ങി.

പി.ജെ ജോസഫിനെതിരെയുള്ള വിമാനയാത്രാ വിവാദത്തില്‍ ജൂഡീഷ്യല്‍ അന്വേഷണം നടത്തുമെന്ന പ്രഖ്യാപനവും ജോസഫിന് പകരം കേരള കോണ്‍ഗ്രസ്-ജെ മന്ത്രിസ്ഥാനത്തേയ്ക്ക് നിര്‍ദ്ദേശിച്ച ടി.യു കുരുവിളയ്ക്കെതിരെ ഉയര്‍ന്നുവന്ന ആരോപണങ്ങളും യോഗത്തില്‍ പ്രധാന ചര്‍ച്ചാവിഷയങ്ങളായിരിക്കും.

എന്‍സിപി-ഡിഐസി ലയനം യോഗത്തില്‍ ചര്‍ച്ചാവിഷയമാകുമെന്ന് സൂചനയുണ്ട്. എന്‍സിപിയിലൂടെ എല്‍ഡിഎഫിലെത്താനുള്ള ഡിഐസിയുടെ ശ്രമം തടയുമെന്ന നിലപാടാണ് സിപിഐക്കും ആര്‍എസ്പിക്കുമുള്ളത്.