കാര്യങ്ങൾ അതിവേഗം അറിയാൻ
For Daily Alerts
ശോഭാ ജോണിന്റെ ജാമ്യാപേക്ഷയില് 19ന് വാദം
കൊച്ചി: തന്ത്രി കേസിലെ മുഖ്യപ്രതി ശോഭാ ജോണിന്റെ ജാമ്യാപേക്ഷയില് സപ്തംബര് 19ന് അന്തിമവാദം കേള്ക്കുമെന്ന് ഹൈക്കോടതി അറിയിച്ചു. കേസിലെ മറ്റൊരു പ്രധാന പ്രതിയായ ബെച്ചു റഹ്മാന്റെ മുന്കൂര് ജാമ്യാപേക്ഷയും അന്ന് പരിഗണിക്കും.
ബെച്ചു റഹ്മാന് പൊലീസിന്റെ പിടിയിലാവാത്തത് ഒരു മാസം മുമ്പേ അറസ്റിലായ ശോഭാ ജോണിന്റെ ജുഡീഷ്യല് റിമാന്റ് അനിശ്ചിതമായി നീട്ടിക്കൊണ്ടുപോകുന്നതിന് കാരണമാവുന്നില്ലെന്ന് ജസ്റിസ് ജെ.എം.ജെയിംസ് വ്യക്തമാക്കി. രണ്ടു അപേക്ഷകളിലും 19ന് കോടതി വിധി പറയും.
ശോഭാ ജോണിനെ നേരത്തെ അഡീഷണല് സെഷന്സ് കോടതി സപ്തംബര് 16 വരെ ജുഡീഷ്യല് കസ്റഡിയില് വിട്ടിരുന്നു.
Comments