• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

തന്ത്രി കേസ്: ഫോട്ടോഗ്രാഫറെ ചോദ്യംചെയ്തു

  • By Super

കാഞ്ഞങ്ങാട്: ശബരിമല തന്ത്രിയെ ഭീഷണിപ്പെടുത്തി സ്ത്രീകള്‍ക്കൊപ്പം നിര്‍ത്തി ഫോട്ടോയെടുത്ത ഫോട്ടോഗ്രാഫര്‍ അബ്ദുള്‍ സത്താറിനെ പ്രത്യേക അന്വേഷണ സംഘം ചോദ്യം ചെയ്തു.

സിഐ ജി വേണുഗോപാലിന്റെനേതൃത്വത്തിലുള്ള സംഘമാണ് ആശുപത്രിയിലെത്തി സത്താറിനെ ചോദ്യംചെയ്തത്.

ഫ്രീലാന്‍സ് ഫോട്ടോഗ്രാഫറാണെന്ന് അവകാശപ്പെടുന്ന സത്താറിന് ജൂലൈ 23ലെ സംഭവവുമായി ബന്ധമുണ്ടെന്ന കാര്യം വ്യക്തമായിക്കഴിഞ്ഞുവെന്ന് ഹോസ്ദുര്‍ഗ് ഡിവൈഎസ്പി അബ്ദുള്‍ ഗഫൂര്‍ പറഞ്ഞു.

ബുധനാഴ്ച രാത്രിയാണ് ചോദ്യം ചെയ്യല്‍ ആരംഭിച്ചത്. ചോദ്യം ചെയ്യല്‍ പൂര്‍ത്തിയായിക്കഴിഞ്ഞ് മാത്രമേ സത്താറിന്റെ അറസ്റ് നടക്കുകയുള്ളൂവെന്ന് അന്വേഷണ സംഘം അറിയിച്ചു.

സംഭവത്തിന് ശേഷം സത്താര്‍ മുംബൈയിലേയ്ക്കും തുടര്‍ന്ന് ബാംഗ്ലൂരിലേയ്ക്കും പോവുകയായിരുന്നു. പിന്നീട് ചെറുവത്തൂരിലുള്ള ഭാര്യ വീട്ടിലെത്തിയ സത്താറിനെ നെഞ്ചുവേദനയെത്തുടര്‍ന്ന് ആശുപത്രിയില്‍ പ്രവേശിപ്പിയ്ക്കുകയായിരുന്നു.

സത്താര്‍ ആശുപത്രിയില്‍ കഴിയുന്നതായി അറിഞ്ഞ കാസര്‍കോഡ് പോലീസ് വിവരം എറണാകുളം പൊലീസില്‍ അറിയിക്കുകയും പ്രതിയെ നിരീക്ഷണം നടത്തി വരുകയുമായിരുന്നു.

കാസര്‍കോട് സ്വദേശിയായ മജീദിന്റെ നിര്‍ദ്ദേശപ്രകാരം താന്‍ തന്ത്രിയുടെ ഫോട്ടോ എടുത്തതായി ഇതിനകം തന്നെ സത്താര്‍ സമ്മതിച്ചിട്ടുണ്ട്. മുംബൈയില്‍ ജോലിചെയ്യുന്നതിനിടയിലാണ് സത്താര്‍ മജീദുമായി പരിചയപ്പെട്ടത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X