മന്ത്രിയുടെ പ്രസ്താവന അംഗീകരിക്കാനാവില്ല: മാണി

തിരുവനന്തപുരം: കേരളത്തിലെ പനിമരണങ്ങള്‍ ചിക്കുന്‍ഗുനിയ ബാധമൂലമല്ലെന്ന കേന്ദ്ര ആരോഗ്യമന്ത്രി അന്‍പുമണി രാംദാസിന്റെ വെളിപ്പെടുത്തല്‍ അംഗീകരിക്കാനാവില്ലെന്ന് കേരള കോണ്‍ഗ്രസ് -എം നോതവ് കെ.എം. മാണി പറഞ്ഞു.

രോഗത്തെക്കുറിച്ച് പഠിക്കാന്‍ കേന്ദ്രഏജന്‍സികളും രാജ്യാന്തര പഠന സംഘവുമെല്ലാം കേരളത്തില്‍ എത്തുന്നതേയുള്ളൂ.

അവരിവിടെ എത്തി പഠനം നടത്തിയതിന് ശേഷമായിരിക്കണം രോഗത്തെക്കുറിച്ച് അഭിപ്രായം പറയാന്‍. വേണ്ടത്ര പഠനം നടത്താതെ പറയുന്ന കാര്യങ്ങള്‍ അംഗീകരിക്കാനാവില്ല.

തിരുവനന്തപുരത്ത് നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നുഅദ്ദേഹം.