അവിഹിത സ്വത്ത് കണ്ടുകെട്ടാന്‍ നിയമം കൊണ്ടുവരും: വി.എസ്

തിരുവനന്തപുരം: അവിഹിതമായി സമ്പാദിയ്ക്കുന്ന സ്വത്ത് കണ്ടുകെട്ടാനുള്ള നിയമം സംസ്ഥാന സര്‍ക്കാര്‍ കൊണ്ടുവരുമെന്ന് മുഖ്യമന്ത്രി വി.എസ് അച്യുതാനന്ദന്‍ നിയമസഭയെ അറിയിച്ചു.

ചോദ്യോത്തരവേളയില്‍ സംസാരിക്കുന്നതിനിടയിലാണ് മുഖ്യമന്ത്രി ഇക്കാര്യം അറിയിച്ചത്. പൊതുപ്രവര്‍ത്തകരെയും ഉദ്യോഗസ്ഥരെയുമെല്ലാം ഈ നിയമത്തിന്റ പരിധിയില്‍ കൊണ്ടുവരുമെന്നും അദ്ദേഹം അറിയിച്ചു.

കേന്ദ്രസര്‍ക്കാര്‍ മാനദണ്ഡമനുസരിച്ച് നിയമം നടപ്പാക്കുന്നതിനായി കൂടുതല്‍ ചര്‍ച്ചകളും പഠനങ്ങളും നടത്തുമെന്നും അദ്ദേഹം അറിയിച്ചു.