സ്വകാര്യ തപാലാപ്പീസുകള് തപാല് വകുപ്പിനെ തകര്ക്കും: വി.എസ്
തിരുവനന്തപുരം: തപാല് വകുപ്പിനെ നവീകരിക്കുന്നതിന് പകരം സ്വകാര്യ മേഖലയില് തപാല് ഓഫീസുകള് അനുവദിക്കാനുള്ള കേന്ദ്രസര്ക്കാര് തീരുമാനം രാജ്യതാല്പര്യത്തിനെതിരാണെന്ന് മുഖ്യമന്ത്രി വി.എസ് അച്യുതാനന്ദന് ഒരു പ്രസ്താവനയില് അഭിപ്രായപ്പെട്ടു.
യുപിഎ സര്ക്കാര് അധികാരത്തിലേറിയപ്പോള് ജനങ്ങള്ക്കും ഇടതുപാര്ട്ടികള്ക്കും നല്കിയ വാഗ്ദാനത്തിന്റെ ലംഘനമാണിത്.
തപാല്മേഖലയെ സ്വകാര്യവല്ക്കരിക്കില്ലെന്ന് ഈ മേഖലയിലെ സംഘടനകള്ക്കും സര്ക്കാര് ഉറപ്പു നല്കിയിരുന്നു.
ഈ നീക്കം രാജ്യത്തെ വന്പൊതുമേഖലാ സ്ഥാപനങ്ങളിലൊന്നായ തപാല് വകുപ്പിനെ തകര്ക്കും.
ആഗോളീകരണ സാമ്പത്തിക നയങ്ങളുമായി മുന്നോട്ടുപോകുന്ന മന്മോഹന്സിംഗ് സര്ക്കാര് അനുഭവങ്ങളില് നിന്നും പാഠം ഉള്ക്കൊള്ളാന് തയ്യാറാകുന്നില്ല- വി.എസ് കുറ്റപ്പെടുത്തി.
Click it and Unblock the Notifications
Sign in with Google