മൂന്ന് ജില്ലകളില്‍ വീണ്ടും ഭൂചലനം

തൃശ്ശൂര്‍: പാലക്കാട്, തൃശ്ശൂര്‍, മലപ്പുറം ജില്ലകളില്‍ വീണ്ടും ഭൂചലനം അനുഭവപ്പെട്ടു.

ബുധനാഴ്ച രാവിലെ 6.45ന് ഗുരുവായൂരിനും വടക്കാഞ്ചേരിയ്ക്കുമിടയിലാണ് ആദ്യം ചലനമുണ്ടായത്. പിന്നീട് പാലക്കാട്ടും മലപ്പുറത്തും നേരിയ ചലനം അനുഭവപ്പെട്ടു.

വലിയ മുഴക്കത്തോടെയുണ്ടായ ഭൂചലനം ഏതാനും സെക്കന്റുകള്‍ നീണ്ടുനിന്നു. ഏതാനും ദിവസങ്ങള്‍ക്കുള്ളില്‍ ഈ ജില്ലകളില്‍ വീണ്ടും ഭൂചലനം ഉണ്ടായത് ജനങ്ങളെ പരിഭ്രാന്തിയിലാഴ്ത്തിയിട്ടുണ്ട്.