പുന:സംഘടന: ഡിസിസി പ്രസിഡന്റുമാരുടെ അന്തിമ പട്ടിക തയ്യാറായി
ദില്ലി: കോണ്ഗ്രസ് കേരള ഘടകത്തിന്റെ പുന:സംഘടനയുമായി ബന്ധപ്പെട്ട് പുതിയ ഡിസിസി അധ്യക്ഷന്മാരുടെ അന്തിമ പട്ടിക തയ്യാറായി.
പട്ടികയുടെ അംഗീകാരത്തിനായി സംസ്ഥാനനേതാക്കള് ശനിയാഴ്ച കോണ്ഗ്രസ് അധ്യക്ഷ സോണിയാ ഗന്ധിയെ കാണും. ഇതിന് ശേഷമായിരിക്കും പട്ടിക പ്രസിദ്ധീകരിയ്ക്കുക.
പുന:സംഘടനയുമായി ബന്ധപ്പെട്ട് എല്ലാ വിഭാഗങ്ങള്ക്കും പ്രാതിനിധ്യം നല്കുന്ന പട്ടികയ്ക്കാണ് രൂപം നല്കിയിരിയ്ക്കുന്നതെന്ന് കേരളത്തിന്റെ ചുമതലയുള്ള പ്രവര്ത്തക സമിതിയംഗം വീരപ്പ മൊയ്ലിയും കെപിസിസി പ്രസിഡന്റ് രമേശ് ചെന്നിത്തലയും അറിയിച്ചു.
പുന:സംഘടന സംബന്ധിച്ച് നേതാക്കള് പ്രതിരോധ മന്ത്രി എ.കെ ആന്റണിയുമായും ചര്ച്ചകള് നടത്തിയിരുന്നു.
തിരുവനന്തപുരം- വി.എസ് ശിവകുമാര്, കൊല്ലം-കടവൂര് ശിവദാസന്, പത്തനംതിട്ട-മോഹന് രാജ്, ആലപ്പുഴ-എ.എ ഷുക്കൂര്, ഇടുക്കി-പി.ടി തോമസ്, കോട്ടയം-കെ.സി ജോസഫ്, എറണാകുളം-വി.ജെ പൗലോസ്, തൃശൂര്-തേറമ്പില് രാമകൃഷ്ണന്, പാലക്കാട്-എ.വി ഗോപിനാഥ്, മലപ്പുറം-അബൂബക്കര്, കോഴിക്കോട്-കെ.സി അബു, വയനാട്-കെ. ബാലചന്ദ്രന്, കണ്ണൂര്-പി.രാമകൃഷ്ണന്, കാസര്കോട്-വെളുത്തമ്പു എന്നിങ്ങനെയാണ് ഡിസിസി പ്രസിഡന്റുമാരുടെ പുതിയ പട്ടിക.