200 കോടി രൂപയുടെ കൈത്തറിതുണിത്തരങ്ങള് വില്ക്കും
തിരുവനന്തപുരം: ഈ വര്ഷം സംസ്ഥാനത്ത് 200കോടി രൂപയുടെ കൈത്തറി തുണിത്തരങ്ങള് വില്ക്കാന് സര്ക്കാര് പദ്ധതിയിട്ടിട്ടുണ്ടെന്ന് വ്യവസായ മന്ത്രി എളമരം കരിം നിയസഭയെ അറിയിച്ചു.
കൈത്തറി വസ്ത്രങ്ങള് നിര്ബന്ധിതമാക്കാന് കഴിയില്ല. പ്രചാരണപരിപാടികളിലൂടെ ആളുകളെ ഇതിനെപ്പറ്റി ബോധവല്ക്കരിക്കാനാണ് ഉദ്ദേശിയ്ക്കുന്നത്.
കൈത്തറി വസ്ത്രവിപണിയില് 50 കോടി രൂപയുടെ വര്ദ്ധനവാണ് ഊ വര്ഷം പ്രതീക്ഷിയ്ക്കുന്നത്- മന്ത്രി പറഞ്ഞു. ഇതിനകം തന്നെ സംസ്ഥാനത്തുടനീളം കൈത്തറി തുണിത്തരങ്ങളുടെ വില്പ്പന വര്ദ്ധിച്ചതായാണ് വിവരം.
കൈത്തറി തുണിത്തരങ്ങള് ഉപയോഗിക്കാനുള്ള താല്പര്യം ജനങ്ങളില് വര്ദ്ധിപ്പിയ്ക്കുന്നതിനായി ഉല്പ്പന്ന വൈവിധ്യവല്ക്കരണവും വിപണനത്തിലെ സാങ്കേതിക വിദ്യയുട വികസനവും പരിഗണിച്ചുവരുന്നുണ്ട്- അദ്ദേഹം വ്യക്തമാക്കി.
Click it and Unblock the Notifications
Sign in with Google