ലോകത്തെ വലിയ ആഡംബരക്കപ്പല്‍ ക്യൂന്‍മേരി-2 കൊച്ചിയില്‍

കൊച്ചി: ലോകത്തിലെ ഏറ്റവും വലിയ ആഡംബരക്കപ്പലായ ക്യൂന്‍മേരി-2 കൊച്ചയിലെത്തി.

2620 പേര്‍ക്ക് യാത്രചെയ്യാവുന്ന വിധത്തില്‍ രൂപകല്‍പ്പന ചെയ്ത കപ്പലിന് 23 നിലകളുള്ള കെട്ടിടത്തിന് തുല്യമായ ഉയരമുണ്ട്. 1132 അടി നിളമുള്ള കപ്പലില്‍ 1310 ക്യാബിനുകള്‍, 13 ഡെക്കുകള്‍, 15 പഞ്ചനക്ഷത്ര ഹോട്ടലുകള്‍, 5നീന്തല്‍കുളങ്ങള്‍, പൂന്തോട്ടം, ആര്‍ട് ഗാലറി, പ്ലാനിറ്റേറിയം , തിയേറ്റര്‍ തുടങ്ങി എല്ലാ സജ്ജീകരണങ്ങളുമുണ്ട്. 4000 കോടി രൂപയാണ് ഇതിന്റെ നിര്‍മ്മാണച്ചെലവ്.

ഹോങ്കോങില്‍ നിന്നും യാത്രക്കാരുമായി ഫെബ്രുവരി 28ന് കന്നിയാത്രയ്ക്കായി തിരിച്ച കപ്പല്‍ ദുബായിലേയ്ക്കുള്ള യാത്രാമധ്യേയാണ് കൊച്ചിയിലെത്തിയത്. ഇന്ത്യയില്‍ കൊച്ചി തുറമുഖത്ത് മാത്രമാണ് കപ്പലെത്തുന്നത്.